Hai Dua Yaad Magar Harf E Dua - Sagar Siddique - Urdu Shayari 4U

Urdu Shayari 4U, best urdu poetry, Urdu poetry , Ghazal , Shayari , Sad Poetry And Funny Jokes, urdu best poetry 4u

Friday, October 23, 2020

Hai Dua Yaad Magar Harf E Dua - Sagar Siddique

 Hai Dua Yaad Magar Harf E Dua 



Hai Dua Yaad Magar Harf-e-dua Yaad nahin
Mere Naghmaat ko andaaz-e-nawa Yaad nahin

Maine palakon se dar-e-yaar pe dastak di hai
Main woh saail hun jise koi sadaa Yaad nahin

Maine jin ke liya raahon mein bichhaaya tha lahoo
Hum se kehte hain wahi ahad-e-wafa Yaad nahin

Kaise bhar aayi sar-e-shaam kisi ki ankhen 
Kaise tharraai charaaghon ki ziya Yaad nahin

Sirf dhundhlaaye sitaaron ki chamak dekhi hai
Kab hua kaun hua kis se khafa Yaad nahin 

Zindagi jabr-e-musalsal ki tarah kaati hai
Jaane ki jurm ki paayi hai saza Yaad nahin

Aao ek sajda karen Aalam-e-madhoshi mein
Log kehte hain k Saghar ko Khuda Yaad nahin

Poet : Sagar Siddique

'; (function() { var dsq = document.createElement('script'); dsq.type = 'text/javascript'; dsq.async = true; dsq.src = '//' + disqus_shortname + '.disqus.com/embed.js'; (document.getElementsByTagName('head')[0] || document.getElementsByTagName('body')[0]).appendChild(dsq); })();