Ye naa thi hamari Qismat | Mirza Ghalib - Urdu Shayari 4U

Urdu Shayari 4U, best urdu poetry, Urdu poetry , Ghazal , Shayari , Sad Poetry And Funny Jokes, urdu best poetry 4u

Friday, May 7, 2021

Ye naa thi hamari Qismat | Mirza Ghalib

 Ye naa thi hamari Qismat


Ye naa thi hamari Qismat

Ye naa thi hamari Qismat ke visaal e yaar hota
Agr aur jeetay rehtey yahi intezar hota

Tere waadey par jiyee hum to ye jaan jhooth jana
Ke khushi se marr na jaatey agr aitabaar hota

Teri nazuki se jana ke baandha tha ahd-e-boda
Kabhi tu na torr sakta, agar istavar hota

Koi mere dil se poochey terey teer-e-neemkash ko
Ye khalish kahan se hoti jo jigar ke par hota

Ye kahan ki dosti hai k bane hain dost naseh
Koi chaarasaz hota koi gham gusar hota

Rag-e-sang se tapakta wo lahu ki phir na thamta
Jisa gham samjh rahe ho ye agar sharar hota

Kahun kis se main ki kya hai shab-e-gham buri bala hai
Mujhe kya bura tha marna agar ak bar hota

Hua mar ke hum jo ruswa hue kyun na gharq-e-darya
Na kahbi janaza uthta na kahin mazar hota



cond='data:post.includead'