Rasta bhi kathin dhoop mein shiddat bhi boht the | Parveen Shakir Poetry in Urdu - Urdu Shayari 4U

Urdu Shayari 4U, best urdu poetry, Urdu poetry , Ghazal , Shayari , Sad Poetry And Funny Jokes, urdu best poetry 4u

Friday, June 4, 2021

Rasta bhi kathin dhoop mein shiddat bhi boht the | Parveen Shakir Poetry in Urdu

 Rasta bhi kathin


  

Rasta bhi kathin dhoop mein shiddat bhi boht the
Saaye say magar us ko mahabbat bhi boht thi

Khaimay na koi meray mussfir kay jalaaye
Zakhmi tha bahot paaon  musaafat bhi boht thi

Sab dost meray muntazir e parda e shab thay
Din mein tou safar karny mein diqqat bhi boht thi

Barish ki duaaon mein nami ankh ki mil jaye
Jazbay ki kahi itni rafaaqat bhi boht thi

Kuch tu teray mausam hi mujhay raas kam aye
Or kuch meri mitti mein baghaawat bhi boht thi

Phoolon ka bikharna tu muqaddar hi tha lekin
Kuch mein hawaaon ki siyaasat bhi boht thi

Wo bhi sar e maqtal hai kay sarr jis ka tha shahid
Or waaqif e ahwal adaalat bhi boht thi

Is tark e rafaaqat pe pareshaan tu ho lekin
Ab tak k teray saath pe hairat bhi boht thi

Khush aye tujhe shehr e munaafiq ki ameeri
Ham logon ko sach kehnay ki adat bhi boht thi

Parveen Shakir

cond='data:post.includead'